a2:11
b4:13
cIsa 53:5
d19:24
eDute 4:32
fHlab 37:35,36
g3:7
hIsa 14:13,14; Obad 1:3,4
i14:20
jZef 1:17; 1 Kho 14:10; 2 Kho 9:37
k14:10
lHlab 73:20; Isa 29:7,8
m28:7
n7:8,10, 8:18; Hlab 103:16
o20:18
p21:26
qDute 32:33
rDute 32:33
sIsa 30:6, 59:5; Hlab 140:3; Zaga 23:32
t3:9; Jer 17:6
uHlab 36:8
v29:6; Dute 32:13,14
w29:6; Dute 32:13,14
x20:10
y20:15
zZaga 17:1
aaHlab 39:11; Isa 44:9
ab1 Kho 20:10
acLilo 1:12,13
adNani 11:33; Hlab 78:30,31; Zef 1:17; Jak 5:3
aeIsa 24:18
af28:2, 40:18, 41:27; 2 Sam 22:35
agHlu 5:26
ahHlu 3:22
aiDute 32:41
aj16:13, 20:14
ak18:11
alHlab 39:5, 45:13
amHlab 17:14
anHlab 21:9
ao8:22
ap16:18,19
aq16:18,19
ar2 Sam 14:14
as27:13, 31:2,3, 18:21
at21:17

Job 20

Inkulumo yesibili kaZofari. Uthi intokozo yababi imfitshane

1Wasephendula uZofari umNahama wathi a:

2Ngakho imicabango yami ingenza ngiphendule b, langenxa yokuphangisa kwami phakathi kwami. 3Ngizwile isijeziso sehlazo lami, lomoya wokuqedisisa kwami ungenza ngiphendule c. 4Uyakwazi lokhu yini, kusukela endulo d, selokhu kwabekwa umuntu emhlabeni e, 5ukuthi f injabulo yababi imfitshane, lentokozo yomzenzisi ngeyesikhatshana nje g? 6Loba ubukhosi bakhe busenyukela emazulwini, lekhanda lakhe lifinyelela emayezini h, 7uzabhubha phakade i njengobulongwe bakhe j; labo abambonileyo bathi: Ungaphi k? 8Uzaphapha njengephupho, bangabe besamthola; yebo, uzaxotshwa njengombono webusuku l. 9Ilihlo elike lambona m aliyikuphinda n, lendawo yakhe kayisayikumbona. 10Abantwana bakhe bazadinga ukuthokozisa abayanga, lezandla zakhe zibuyisele inotho yakhe o. 11Amathambo akhe ayegcwele ubutsha bakhe, kodwa azalala kanye laye enhlabathini p. 12Uba ububi bumnandi emlonyeni wakhe, ebufihla ngaphansi kolimi lwakhe, 13ebugodla, engabuyekeli, kodwa ebugcina phakathi komlomo wakhe, 14ukudla kwakhe kuzaphenduka esiswini sakhe, kuzakuba yibuhlungu bezinyoka phakathi kwakhe q. 15Uginye inotho, kodwa uzayihlanza; uNkulunkulu uzayikhupha esiswini sakhe. 16Uzamunya ubuhlungu bezinyoka r, lolimi lwebululu luzambulala s. 17Kayikubona izifula t, imifula, izifudlana u zoluju v lolaza w. 18Uzabuyisela lokho akusebenzelayo x, angakuginyi y; njengokwenotho izakuba njalo inhlawulo, njalo kayikuthokoza. 19Ngoba ubacindezele wabadela abayanga, waphanga indlu abengayakhanga. 20Ngoba kakwazi ukuthula esiswini sakhe z, kayikusindisa lutho kusifiso sakhe aa. 21Kakuyikusala lutho ekudleni kwakhe; ngenxa yalokhu okuhle kwakhe kakuyikuma. 22Ekugcwaleni kokwanela kwakhe uzakuba lencindezelo; sonke isandla sohluphekayo sizamfikela ab. 23Kuzakuthi lapho egcwalisa isisu sakhe, uNkulunkulu athumele kuye ukuvutha kwentukuthelo yakhe ac, akunise phezu kwakhe ekudleni kwakhe ad. 24Uzabalekela isikhali sensimbi ae, idandili lethusi af lizamhlaba ag. 25Uyalihwatsha, liphume emhlana ah, lokubenyezelayo kuzaphuma ai enyongweni yakhe aj; izesabiso ziphezu kwakhe ak. 26Ubumnyama bonke bugcinelwe al izinto zakhe ezibekelelweyo am; umlilo ongavuthelwayo uzamqeda an; kuzakuba kubi kunsali ethenteni lakhe ao. 27Amazulu azakwembula ububi bakhe ap, lomhlaba umvukele aq. 28Ukwanda kwendlu yakhe kuzanyamalala, kukhukhulwe osukwini lwentukuthelo yakhe ar. 29Lesi as yisabelo somuntu omubi esivela kuNkulunkulu at, lelifa alimiselwa nguNkulunkulu.

Copyright information for Ndebele